Skip to main content

SERÁ QUE POVU AUDIÊNCIA ETERNA??

Timor Leste nasaun ida ne'ebé mak adopta sistema governasaun Demokrásia (semi presidensial) desizaun ida ne'e mundo internasionál tomak hatene desde 20 de Maio 2002 wainhira Timor Leste proklama ninia independénsia.

Demokrásia katak  povu hotu hanesan iha direito, dever no liberdade ne'ebé hanesan. Demokrasia fo liberdade ba povu atu partisipa iha prosesu desizaun hotu iha nasaun ida nia laran. Definisaun husi demokrásia em jerál katak husi povu, ba povu no hamutuk fali ho povu, além de povu iha direitu no dever hanesan, pontus ne'ebé importante mak "podér iha povu nia liman" tamba ne'e wainhira foti desizaun ruma tenke ba bem estar povu tomak nian.

Ikus-ikus ne'e hare ba kontestasaun polítika ne'ebé akontese iha Timor Leste elite polítika sira apenas retórika deit mak barak iha uma fukun parlamentu nasionál to'o haluhan tiha povu ne'ebé mak hein hela desizaun balun husi sira (elite polítika) bazeia ba promesa sira ne'ebé mak sira fo iha momentu kampaña no iha situasaun ne'ebé emerjénsia nia laran hanesan agora dau-daun mundu tomak hasoru.

Nai ulun no ukun na'in sira halo to'ok reflesaun kiik oan balun ba imi nia án, tamba buat ne'ebé durante ne'e imi halo, povu tomak monitoriza, hare no akompaña tui-tuir hela, tuir lolós ne'e ita bo'ot sira tenke konsiente katak agora dadaun ita bo'ot sira tur iha birokrasia governu nian ne'e sé mak selu imi? No osan ida imi hetan ne'e sé nian?

Tamba ne'e ita bo'ot sira (ukun na'in) tenke kompriende funsaun ita bo'ot sira nian, katak tenke serví ba povu wainhira sai ona kapitaun iha país ida nia laran. Maromak fó ona oportunidade ida ne'e ba imi nai ulun no ukun na'in sira, mak halo netik buat ruma ne'ebé mak di'ak ba povu tomak nia moris di'ak la'os tur atu diskute hodi fo sala malu tamba povu lao's audiênsia.

Além de interese lubuk balun ne'ebé mak imi (elite polítika) iha, buat ne'ebé importante liu ida ne'e mak ba bem estar povu tomak nian. Ko'alia konabá polítika ne'e iha nia tempu (momentum), maibé wainhira ita bo'ot sira apaña ona espektasaun sira hotu ne'ebé mak ita bo'ot sira iha durante kompete iha kontestasaun polítika, mak buat sira ne'e tau sees tiha no hare fali ba povu tomak nia moris di'ak, la'os tur iha uma fukun hodi diskute malu tun sae, fó sala malu tun sae maibé laiha rezultadu ida ne'ebé diak ba povu tomak nia moris di'ak, halo to'o povu mak sai vítima ba diskusaun ne'ebé vazia signifikasaun sira ne'e hotu.

Repúblika Demokrátika Timor Leste nudar nasaun ne'ebé mak iha ninia konstituisaun ne'ebé hanaran "Konstituisaun RDTL", karik ita bo'ot sira halo polítika atu aproveita pozisaun A, B no C faz favór, maibé importa mak wainhira ita bo'ot sira sai ona ministru, deputadu no seluk tan, mak tenke aplika politíka ne'ebé mak liberál no trasparánsia no tau importánsia ba iha bem estar povu tomak nian no sai nudar servidór ne'ebé di'ak iha povu tomak nia vizaun.

Filósofu klásiku Aristoteles iha nia livru "The Politics" esplika katak justisa ne'e iha rua (2) mak, justisa distributiva no justisa komutativa. Justisa distributiva ko'alia konabá direitu no distribuisaun direitu ne'ebé justu iha relasaun entre Povu ho nasaun. Quer dizer saida mak nasaun fó no halo ba ninia povu ne'e forma husi 'undevides goods' atu nune'e fo benefísiu ba povu, iha parte seluk ne'ebé nasaun fo mak protesaun, intalasaun públiku ne'ebé mak di'ak no seluk-seluk tan atu nune'e labele mosu iha povu nia le'et individu ida interompe individu seluk. Justisa komutativa ko'alia konabá direitu no distribuisaun direitu ne'ebé justu iha relasaun entre individu ho povu.

Atu dehan de'it katak situasaun no kondisaun ne'ebé agora akontese iha Timor Leste tuir hau nia observasaun katak sei mínimu atensaun husi elite polítikus sira ba ninia povu tomak iha aspetu bem estar povu Timor Leste tomak nian. No outro caso, oinsá mak governu bele antisipa akontesimentu sira hanesan hamlaha, númeru kriminalidade ne'ebé ás no mos buat seluk tan iha loron tuir mai se wainhira laiha atensaun ne'ebé másimu husi governu?

Marc, Bandung, 02 Maio 2020.

Labels:

Comments

TinaLatuoNaza said…
Artikel ini sangat menarik untuk dibaca. Terimakasih karna sangat membantu kita2 yg masih mengejar ilmu di bangku kuliah. Salan
26 October 2020 at 09:47
Post a Comment

Popular posts from this blog

HADIR TAPI TAK PERNAH ADA

Perjalanan merupakan metode atau gerakan untuk menuju dan mencapai suatu ekspektasi yang diimpikan oleh seseorang. Begitupun kehadiran adalah adanya seseorang pada suatu tempat dan dapat dilihat oleh manusia.  Inkonsistensi sebagai perantara dalam mengantarkan kita dari satu tempat ke tempat yang lain ketika tidak dapat persesuaian antara ekspektasi dan realita. Lupa merupakan sifat alamiah manusia yang tak bisa dihindari oleh siapapun, sehingga bumbu-bumbu kehidupanpun dapat dilupakan ketika kedatangan membawa berita yang kredibel dan terpercaya, meski nihil akan maknanya. Impian yang setinggi langit mengundang rasa lebam yang tak terhindar, kesadaran adalah pahlawan di kala semakin mendekatnya rasa lebam. Begitu mudah manusia mengikat harapannya kepada sesama melainkan Tuhan sebagai pemiliknya. Dasar semua insan mengikat harapan terhadap sesama adalah treatmentnya yang bagaikan gula ketika dicicipi. Nyerah ketika kita membandingkan apa yang didapati dengan yang kita inginkan. Mat...
2 comments
Read more

NASIONALIZMU VS GLOBALIZMU

Definisaun polítika katak arte ou siénsia ida atu apaña poder ida tuir dalan konstituisaun no mos inkonstituisional. Teoria klásika Aristoteles hateten katak polítika maka hanesan esforsu ida ne'ebé povu viaza atu apaña bem estar povu nian. Intensaun polítika katak HUSI, BA ka ida ne'ebé iha relasaun ho povu. Polítika katak siénsia konabá nasaun, siénsia konaba governu, tamba ne'e antes atu ita antisipa halo definisaun ba polítika ita mos tenke hatene etimolójikamente husi polítika ne'e rasik. Husi definisaun hirak ne'ebé hau mensiona iha leten ne'e iha ninia intensaun no esénsia ne'ebé mak di'ak ba povu, tamba laiha ema ou grupo ida mak hasai teoria ruma somente atu fo impaktu negativu ba ema seluk. Maibé realidade hatudu katak iha sékulu XXI ou iha époka kontemporer ida ne'e, esénsia husi polítika ne'e rasik komesa mínimu ona iha ninia realizasaun (aktualisasi), tamba egoismu husi polítika nain sira ne'ebé mak maka'as liu duke interese ...
Post a Comment
Read more

DIBALIK RIUHNYA KOTA BANDUNG

Hiruk-pikuknya kota yang membuat semua insan berlomba-lomba tuk mencari sebuah jawaban dari segala proses yang sedang dijalankan, penat di dalam imajinasi mengabaikan segala kesempatan yang selama ini ku kejar. Meski seolah terlihat semuanya baik-baik saja, akhirnya ku mencari sebuah jawaban di ketinggian di pinggir kota. Kesunyian tanpa pernah memberi jawaban sekalipun mendefinisikan dirinya ketika tidak disentuh, meski masih abstrak akan maknanya jika mencoba tuk mendefinisikanya. Sama halnya definisi yang mengalir tanpa niat menemukan jawaban. Mencintai tak pernah bosan, seperti filsafat yang ingin menemukan pertanyaan bukan sekedar jawaban. Tak ada keyakinan melengkapi sebuah kesimpulan, dengan sebab yang tak pernah tunggal. Mungkin sunyi bukan tempat yang asing, apalagi sia-sia, dari segala sesuatu berawal, sementara kita masih ada di tengah-tengah jarak. Apa jawaban untuk menghapus ketidakpahaman? Di ketinggian, kita ingin merombak diri dengan cara paling radikal, sebelum bertemu...
1 comment
Read more